عاصفة ترابية / رملية – أهم 10 نصائح تأكد من عملها في الأجواء العاصفة

من حين لآخر بيحصل في بلادنا العربية عاصفة ترابية أو عاصفة رملية و خاصة وقت تغيير الفصول المناخية. في المقال ده هقولكم أهم 10 نصائح تأكدوا من عملها للحفاظ على سلامتكم و سلامة مركباتكم وقت القيادة في الأجواء العاصفة.

عاصفة ترابية - عاصفة رملية
Business – Insider

إيه اللي المفترض تعمله في أجواء عاصفة ترابية / رملية؟!

1- أول حاجة خالص.. لو المشوار مش ضروري قوي أجّله (و ده حماية لنفسك، و سيارتك).

2- لو مضطر تمشي في عاصفة ترابية يبقى امشي على سرعة متوسطة (50-70 كم/ساعة) و ده لسببين (الأول: علشان تعرف تشوف و تلحق تتصرف لو فيه مفاجأة حصلت قدامك. و التاني: لأن السرعات العالية مع رياح شديدة بتقلل من ثبات العربية على الطريق و خصوصا في الملفات على سرعة أو الرياح الجانبية اللي بتحس معاها انها عايزه تقلب العربية).

3- خليك بعيد عن اليفط و الإعلانات اللي في الشارع .. يعني لو اليفط يمين .. امشي شمال.. لو شمال امشي يمين.. (علشان لو لا قدر الله يافطة وقعت ما تحصلش كارثة و تلحق تتصرف).

إقرأ أيضاً:  كود سرعة الكاوتش / الإطار و معلومة هامة جدًا عند الشراء

4- ما تمشيش في الظروف دي جنب عربية نقل أو وراها أو قدامها.. اتجنبها خالص.. سائق النقل مش شايف قدامه أصلاً بسبب العاصفة الترابية، و بالتالي خليك بعيد. و خصوصا لو محمل حاجة (ممكن ماتكونش متثبتة كويس).

5- إتأكد قبل ما تطلع إن قربة المساحات فيها مياه.. و لو مسافر حط جيركن أو زجاجة معاك احتياطي في الشنطة.

لا تقف على يمين الطريق!

6- لو الظروف اضطرتك تركن على جنب علشان تعمل حاجة.. ما تركنش في الحارة اليمين.. اركن بره الطريق خالص (و ده علشان يمكن حد جاي سريع و ماشي يمين و مش شايفك فيخبط فيك).

7- لازم تقفل الزجاج كله طبعا.. و لو مشغل التكييف احرص على غلق دايرة تدوير الهواء زي ما شرحت في مقال سابق (تقدر تلاقيه من هنا) و ده حفاظا على فلتر التكييف.

إقرأ أيضاً:  مكيف السيارة - 8 نصائح للحصول على أعلى آداء له في الصيف

8- أكتر جزء في العربية بيشيل الليلة في العاصفة الترابية هو فلتر الهواء بتاع المحرك.. فلازم بعد الدنيا ما تهدى و انت رايح تغسل عربيتك .. هات مسدس الهواء و نفض الفلتر كويس ، و اضرب هواء عكس اتجاه سيره الطبيعي من عمة الهواء لبره علشان تبقى ضمنت انك شيلت أكبر نسبة من التراب من أول نقطة سحب الهواء Air intake لغاية بيت الفلتر. (هيفرق معاك في سحب العربية و استهلاك البنزين بعدها).

فلتر هواء محرك جيد و آخر سئ
CARiD

9- و المسدس لسه في ايدك بعد ما تخلص خطوة 8 اضرب هواء على حوض الموتور و شيل التراب كله.. لأن التراب بيبقى معاه ذرات ملح و بيعمل مع الوقت على تآكل عوازل الملفات بتاعة الدينامو و بيقصف عمر السيور و غيرها. (لو مش عارف تعمل خطوة 8 و 9 اطلب من بتاع المغسلة يعملهم عادي ماتتكسفش).

10- و دي المفترض أول واحدة.. ماتنساش تقول دعاء السفر.

إقرأ أيضاً:  حزام الأمان - سبب أهميته و أخطاء شائعة عند إرتداؤه تبعياتها بالغة الخطورة!

أتمنى لكم السلامة على الطريق.
لا تنسى عمل مشاركة/شير لنشر المعلومة، ولايك لصفحتنا على فيسبوك #عن_السيارات.
ورجاء الدعاء لوالدتي ووالدي بالرحمة والمغفرة وأن يجعل العمل في ميزان حسناتهم.

أطيب التحايا،
#أبوجادالله_يكتب
#عن_السيارات


لمتابعة نشر المقالات القادمة لي، قم بالإشتراك في النشرة البريدية الأسبوعية لمنصة المقالة من خلال النموذج بالأسفل و بضغطة واحدة:



الكاتب مسئول عن كتاباته على منصة المقالة.

مساحة إعلانية


⇐ لا تنس عمل مشاركة (Share)

المقالة التالية

زيت الفتيس و المحور الخلفي - أهم 7 نصائح بخصوصهما

الأربعاء فبراير 24 , 2021
تمت قراءته: 3٬938 صديق معاه رينو داستر دفع رباعي سألني في رسائل الصفحة عن تغيير زيت الفتيس و زيت المحور الخلفي و حاجات تانية: “مهندس محمد ….. أحييك على مقالاتك القيمة وأسلوبك الراقى ….. كنت عاوز أستفيد منك فى معلومة مهمه عندى رينو داستر دفع رباعى وعامل 85 ألف كم. […]
GEAR OIL

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: رجاء عدم محاولة النسخ، وعمل مشاركة/شير أو استخدم رابط صفحة المقالة كمرجع في موقعك - جميع الحقوق محفوظة لمنصة المقالة