القيادة في الشبورة – قاعدة الثلاث ثوان و نصائح هامة

بخصوص القيادة في الشبورة، بعض القراء تداولوا بعض تعليمات الأمان على صفحة #عن_السيارات على فيسبوك، وكان أحسنها إنك تخلي دليل ثابت قدامك.. و عموماً لو مش مضطر في اليوم ده بلاش تسوق في الشبورة أفضل.

القيادة في الشبورة
Piczard

طريقة تقدير المسافة الآمنة عند القيادة في الشبورة

إزاي أأقدر المسافة المناسبة و الآمنة بيني و بين اللي قدامي؟ و دي غالباً بتبقى سبب رئيسي للحوداث الجماعية في مصر و الموضوع بيبقى عامل زي كرة التلج.. بتبدي بعربية و بتفضل كل العربيات اللي بتيجي وراها تصطدم فيها و محدش بيلحق يستخدم الفرامل، أو بيستخدمها بس مش بتسعفه.

إقرأ أيضاً:  الطريقة الصحيحة لقطر السيارة المعطلة ذات الفتيس الأتوماتيك و نصائح هامة!

قاعدة الثواني الثلاث

فيه قاعدة بسيطة للغاية اسمها (قاعدة الثواني الاثنين) أقرتها هيئة سلامة الطرق في آيرلندا كأسلوب سريع لحساب المسافة البينية الآمنة , و على غرارها في عدة دول تانية أقروها بس فيه دول سموها (قاعدة الثواني الثلاث) و دي أأمن..

القاعدة دي باختصار انك تشوف العربية اللي ماشية قدامك و تشوف أي حاجة ثابتة في الارض على جانب الطريق زي شجرة.. عمود نور.. الخ.. و بمجرد ما تعدي الشجرة من جنبها .. ابتدي عد 1.. 2.. 3 .. لو عدت الشجرة جنبك و انت بتعد 3 يبقى انت في الأمان و هتلحق نفسك.. لو أقل يبقى زود المسافة.

إقرأ أيضاً:  حزام الأمان - سبب أهميته و أخطاء شائعة عند إرتداؤه تبعياتها بالغة الخطورة!

ما الحكمة وراء قاعدة الثواني الثلاث؟!

السر في القاعدة دي؛ إن العلماء حسبوا لما تشوف قدامك عائق مفاجئ و انت سايق، و لقوا إن في المتوسط الإنسان الطبيعي اللي مركز في الطريق محتاج أجزاء من الثانية علشان ينتبه للعائق، و المخ بيبعت إشارة للرجل علشان تفرمل.. ده في جزء من الثانية برضه.. علشان الرجل تتنقل من دواسة البنزين للفرامل هتاخد حوالي نص ثانية .. فالإجمالي حوالي ثانية تقريبا ..

بالإضافة لثانية كمان علشان ميكانيزم الفرامل يستجيب و العربية تفرمل، و سيب ثانية كمان سيفتي يبقى 3 ثواني.

لو مش سايب قدامك مسافة كافية و متخيل انك بالمهارة ان أول ما العربية اللي قدامك تفرمل فجأة انك هتلحق يبقى غلطان لأن انت لو سوبرمان فالعربية فراملها مش هتسعفك برضه و لازم مسافة علشان العربية تقف فيها و ده متوقف برضه على حمولة العربية و سرعتها (كمية الحركة)..

لو انت محملها أكتر و بتجري ..يبقى هتزحف مسافة أكبر و ده اللي سواقين النقل مش بياخدوا بالهم منه.. على الطريق الدائري كمثال في مصر و المآسي اللي كنا بنشوفها زمان لغاية ما منعوا سير النقل الثقيل على الطريق الدائري بالنهار.

في حالة المطر زود كمان 3 ثواني -أو أكتر- و ده علشان الطريق بيبقى بيزحلق و العربية محتاجة مسافة أكبر تقف فيها.

إقرأ أيضاً:  عاصفة ترابية / رملية - أهم 10 نصائح تأكد من عملها في الأجواء العاصفة

أتمنى لكم السلامة على الطريق.
لا تنسى عمل مشاركة/شير لنشر المعلومة، ولايك لصفحتنا على فيسبوك #عن_السيارات.
ورجاء الدعاء لوالدتي ووالدي بالرحمة والمغفرة وأن يجعل العمل في ميزان حسناتهم.

أطيب التحايا،
#أبوجادالله_يكتب
#عن_السيارات


لمتابعة نشر المقالات القادمة لي، قم بالإشتراك في النشرة البريدية الأسبوعية لمنصة المقالة من خلال النموذج بالأسفل و بضغطة واحدة:



الكاتب مسئول عن كتاباته على منصة المقالة.

مساحة إعلانية


⇐ لا تنس عمل مشاركة (Share)

المقالة التالية

زيت الفرامل / الباكم - ماذا يحدث إذا تركت العبوة أو غطاء القربة مفتوح لفترة؟!

الثلاثاء مارس 23 , 2021
تمت قراءته: 1٬515 لماذا لا ينبغي ترك عبوة زيت الفرامل أو غطاء قربة الزيت في السيارة مفتوح لفترة؟ وده لأن زيت الفرامل شره جدًا للمياه والرطوبة. لو تركت عبوة مفتوحة -على سبيل المثال- فيها زيت فرامل؛ الزيت هيجذب بخار المياه اللي في الجو ويختلط معاه مع الوقت. ساعتها الخليط اللي […]
زيت الفرامل - سائل الفرامل - زيت الباكم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: رجاء عدم محاولة النسخ، وعمل مشاركة/شير أو استخدم رابط صفحة المقالة كمرجع في موقعك - جميع الحقوق محفوظة لمنصة المقالة