طبعاً كلنا عارفين أهمية وجود فرامل الطوارئ أو فرامل اليد أو الهاند بريك Hand Brake في عربياتنا، وإن الفرامل دي غير انها بتأمن العربية لما تيجي تركنها و تثبتها في مكانها.. الغرض الأهم منها هو إستخدامها في حالات -لا قدر الله- لو حصل مشاكل في الفرامل الأساسية.
النهاردة هقولكم إزاي تختبر بنفسك فرامل اليد / الهاند بريك Hand Brake في عربيتك بطريقة سهلة و علمية و في 3 خطوات بس, علشان تعرف هي محتاجة ضبط ولا لأ
طريقة إختبار فرامل اليد / الهاند بريك
- اقف بعربيتك على طريق مائل. (مش لازم يكون مائل قوي، أي مطلع أو منزل زي بتاع الكباري يفي بالغرض) و هات النقلة على مور أو N سواء مانيوال أو أتوماتيك.
- شيل رجلك من على الفرامل و سيب العربية أول ما تبدأ تتحرك تحت تأثير الجاذبية إعمل الخطوة التالتة.
- شد الهاند بريك (بدون الضغط على الزر الموجود فيها) لغاية ما العربية تقف تماماً و انت بتعد صوت التكات (سمعت كام صوت تكة).
نتيجة الإختبار
- لو العربية وقفت لغاية 5 تكات فما أقل (تقريبا نصف المشوار).. يبقى فرامل اليد كويسة.
- لو العربية وقفت بعد أكتر من 5 تكات، يعني مثلاً بعد التكة السابعة أو التامنة؛ يبقى فرامل اليد محتاجة تتظبط.
في الحالة التانية بتاخد العربية لأقرب ورشة مختصة لضبط الفرامل (بلغة السوق في مصر بتترجلش، و لو انت بتحب تشتغل بإيدك. فيه فيديوهات كتير على يوتيوب بتشرح طريقة الرجلاش و هي سهلة جداً). بعدين بتعمل نفس الإختبار تاني للتأكيد على شغل الصنايعي أو شغلك.
الإختبار ده قياسي/ستاندرد Standard في مجال صناعة السيارات.
أتمنى لكم السلامة على الطريق.
لا تنسى عمل مشاركة/شير لنشر المعلومة، ولايك لصفحتنا على فيسبوك #عن_السيارات.
ورجاء الدعاء لوالدتي ووالدي بالرحمة والمغفرة وأن يجعل العمل في ميزان حسناتهم.
أطيب التحايا،
#أبوجادالله_يكتب
#عن_السيارات
لمتابعة نشر المقالات القادمة لي، قم بالإشتراك في النشرة البريدية الأسبوعية لمنصة المقالة من خلال النموذج بالأسفل و بضغطة واحدة:
الكاتب مسئول عن كتاباته على منصة المقالة.
مساحة إعلانية
مهندس و كاتب و مصور فوتوغرافي من مصر، يعمل في مجال صناعة السيارات منذ عقد من الزمان، حاصل على العديد من الجوائز.
