جودة البنزين و أهم النصائح للحفاظ على محرك سيارتك

حابب أقول شوية معلومات بما ان موضوع لمبة check engine اللي بتنور ده بقى شائع جداً الفترة الأخيرة و خصوصاً مع العربيات الأوروبي الحديثة, و علاقة الموضوع ده أحياناً بجودة البنزين.

جودة البنزين
CarAdvice

درجة الأوكتان و ارتباطها بجودة البنزين

البنزين ال 92 ممكن ما يكونش 92!, ممكن يكون أقل من كده, و البنزين ال 80 نفس الكلام نتيجة لعدة عوامل, و اللي كشف الموضوع ده الحادثة الشهيرة بتاعة الراجل اللي كان معاه مرسيدس و عطلت منه و الشركة لما فحصت العربية ولقت كل حاجة تمام قاموا حللوا البنزين اللي ف التانك لقوه حوالي 88 مش 92 ولا حاجة, و دي نقطة مالهاش حل ف ايدنا للأسف, حتى المنتجات اللي بتتباع تزود الأوكتان مش هتفيد قوي لأنك مش عارف التفويلة المرة دي الأوكتان بتاعها مظبوط ولا لأ, أنا طبعاً بتكلم علي درجة الاوكتان مش نضافة البنزين (دي لها نقطة لوحدها).

إقرأ أيضاً:  أسباب زيادة استهلاك البنزين - تعرف على أهم 10 أسباب

إزاي أحدد درجة الأوكتان المناسبة لسيارتي؟

إفتح الكتالوج أو باب التنك بتاعك هتلاقي إستيكر ملزوق، ممكن ناس كتير ماخدتش بالها منه قبل كده، هتلاقي الشركة المصنعة بتطلب منك تحط بنزين بدرجة أوكتان معينة -مثلاً- مش اقل من 95! و لغاية 98 و في موديلات يقولك حط 92 عادي. و ف الكتالوج هتلاقيه بيقولك خالي من الرصاص.

نظافة البنزين البنزين مرتبطة أيضاً بجودة البنزين

مهم جداً يكون البنزين نضيف و خالي من الأوساخ و الشوائب أو المياه.

و لو هنتكلم على نضافة البنزين نفسه و دي لوحدها مأساة. هنبدأ من التانكر اللي هي العربية الخزان اللي بتبقى جايبه البنزين.

fuel-tanker
Truck & Trailer Blog

أحيانا ولاد الحلال بيغسلوها بميه لأنها مش طول الوقت بتنقل بنزين بس و بيتبقي شوية ميه تحت – حوالي 50 ل 100 لتر – مش هينزلوا غير لو التانكر وقفت علي رامب او تبه بزاوية ميل معينة علشان تصفى الكلام ده و ده ما بيحصلش.. فالبنزين بالفعل بيبقي جاي معاه مياه!

بالنسبة بقي للبنزينة.. التانكات بتاعة المحطات بتبقى تانكات تحت الارض.. و كل ما كانت المحطة قديمة ما تروحلهاش.. ليه؟! لان المحطات القديمة تانكاتها قديمة و بتتأكل و بيدخل مياه جوفيه ع التانك، ده غير ان الرواسب و الأوساخ بتبقى كتير جدا.. فخليك ف المحطات الجديدة.. و مش كلها برضه.. لان بعض المحطات ليها سمعة مش كويسة.

إقرأ أيضاً:  علبة البيئة/المحول الحفاز - ما هي و كيف تحافظ عليها؟!

نصيحة أخيرة بخصوص مضخة البنزين و إضافات البنزين

أهم حاجة لو سمعت صوت زنة جامدة من الطرمبة مع اللمبة اللي منورة، اقف احسن ما تروح خالص.. و ما بنصحش بالاضافات بتاعة النضافة، لأنها بتحل مشكلة فعلا بس بتضر الموتور بعد كده و بتقلل life time بتاعه.

ف لو عملت التدابير الإحترازية دي مش هيحصل معاك حاجة وحشة او على اسوء الفروض هتقل احتماليتها قوي، و ربنا يسلم طريقكم.

المقال القادم بيتكلم عن لمبة check engine بشوية تفاصيل أكثر و علاقتها بجودة البنزين

إقرأ أيضاً:  أعطال المحرك - كشف لغز الظهور المتكرر لعلامة Check Engine

أتمنى لكم السلامة على الطريق.
لا تنسى عمل مشاركة/شير لنشر المعلومة، ولايك لصفحتنا على فيسبوك #عن_السيارات.
ورجاء الدعاء لوالدتي ووالدي بالرحمة والمغفرة وأن يجعل العمل في ميزان حسناتهم.

أطيب التحايا،
#أبوجادالله_يكتب
#عن_السيارات


لمتابعة نشر المقالات القادمة لي، قم بالإشتراك في النشرة البريدية الأسبوعية لمنصة المقالة من خلال النموذج بالأسفل و بضغطة واحدة:



الكاتب مسئول عن كتاباته على منصة المقالة.

مساحة إعلانية


⇐ لا تنس عمل مشاركة (Share)

المقالة التالية

أساطير و خرافات بداخل تانك البنزين!!: تفنيدها و إظهار الحقيقة

الأثنين مارس 1 , 2021
تمت قراءته: 2٬263 كنت اتكلمت في مقالين قبل كده, واحد عن سبب ظهور لمبة Check Engine في العربيات الحديثة و علاقته بجودة البنزين: و التاني عن نظافة البنزين و إزاي تختار البنزينة اللي تمون منها: إستكمالا لموضوع البنزين اللي هو سائل الحياة للعربية, في المقالة دي هكلمكم بأسلوب علمي مبسط […]
فتحة تانك البنزين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: رجاء عدم محاولة النسخ، وعمل مشاركة/شير أو استخدم رابط صفحة المقالة كمرجع في موقعك - جميع الحقوق محفوظة لمنصة المقالة