نيسان ليف LEAF تستطيع قيادتها بدواسة واحدة فقط! – E-Pedal

زي ما ناس كتير عارفة إن شركات السيارات الكبرى في سباق تكنولوجي مستمر و المنافسة بتكون شرسة جداً و على أشدها, إلا إن من أكتر الشركات اللي بتبهرني الحقيقة بإبتكارات تكنولوجية ثورية جديدة وبتقفز قفزات واسعة جداً شركات زي مرسيدس و جنرال موتورز و BMW و مجموعة VW وغيرهم.. و في السنين الأخيرة شركة نيسان بقت بتعمل طفرات تكنولوجية غير مسبوقة و خارج الصندوق زي موضوع النهاردة بخصوص السيارة نيسان ليف Nissan Leaf.

نيسان ليف
Nissan Motor

نيسان ليف, سيارة تستطيع قيادتها بدواسة واحدة فقط!

شركة نيسان أعلنت في (27/2/2018) عن طرح سيارة خلاص تقدر تسوقها ببدال/دواسة واحدة! و أطلقوا على البدال/الدواسة دي اسم:

البدال / الدواسة الإلكترونية / E-Pedal

التكنولوجي الجديدة دي جزء من رؤيتهم و خطتهم لنظام اسمه “Nissan Intelligent Mobility” يعرف إختصارًا NIM و معناه “تنقل نيسان الذكي”.

NIM هتكون مستخدمة في الجيل الجديد من سيارتها الكهربائية نيسان Leaf.

إقرأ أيضاً:  "الفوطة الزفرة" إحذر من إستخدامها لتنظيف و تلميع سيارتك!

طب إيه هي الدواسة الإلكترونية, و إزاي أسوق عربية زي “نيسان ليف” بدواسة واحدة بس؟

الدواسة مكان دواسة البنزين العادية, و فكرة عملها بسيطة للغاية:

  1. لتشغيل السيارة؛ هتدوس على الدواسة و تدوس على زر التشغيل.
  2. التحرك و التسارع هتدوس على الدواسة زي السيارة الأتوماتيك عادي.
  3. عند تهدئة السرعة تخفيف ضغط القدم من على الدواسة.
  4. الفرملة / الوقوف على سطح منحدر فور إزالة القدم من على الدواسة العربية هتفرمل و تقف تماماً!

طبعاً دواسة الفرامل الميكانيكية المعتادة موجودة علشان لو لا قدر الله فيه موقف مفاجئ تقدر تفرمل بأمان كطوارئ, و بمساعدة أنظمة الأمان المساعدة زي ABS و غيرها.

إقرأ أيضاً:  عاصفة ترابية / رملية - أهم 10 نصائح تأكد من عملها في الأجواء العاصفة

هل دي ميزة؟

Nissan e-pedal
Nissan Motor

الميزة في التكنولوجي دي إنك تقدر تسوق باستخدام دواسة واحدة

راحة أكتر في السواقة عن طريق تقليل الإجهاد على القدم لأنك تقدر تعمل كل الخطوات السابقة دي بقدم واحدة، و لو انت ماشي في طريق زحمة و ما أكترها -على سبيل المثال- في قاهرة المعز العتيدة: (دوس برجلك تمشي، ارفع رجلك تقف) وهكذا.. بالبساطة دي!

الفكرة فعلاً برّه الصندوق و كانت أول مرة تطبق في سيارات الركاب.

إقرأ أيضاً:  مكيف السيارة - 8 نصائح للحصول على أعلى آداء له في الصيف

أتمنى لكم السلامة على الطريق.
لا تنسى عمل مشاركة/شير لنشر المعلومة، ولايك لصفحتنا على فيسبوك #عن_السيارات.
ورجاء الدعاء لوالدتي ووالدي بالرحمة والمغفرة وأن يجعل العمل في ميزان حسناتهم.

أطيب التحايا،
#أبوجادالله_يكتب
#عن_السيارات


لمتابعة نشر المقالات القادمة لي، قم بالإشتراك في النشرة البريدية الأسبوعية لمنصة المقالة من خلال النموذج بالأسفل و بضغطة واحدة:



الكاتب مسئول عن كتاباته على منصة المقالة.

مساحة إعلانية


⇐ لا تنس عمل مشاركة (Share)

المقالة التالية

جودة البنزين و أهم النصائح للحفاظ على محرك سيارتك

الأثنين مارس 1 , 2021
تمت قراءته: 1٬866 حابب أقول شوية معلومات بما ان موضوع لمبة check engine اللي بتنور ده بقى شائع جداً الفترة الأخيرة و خصوصاً مع العربيات الأوروبي الحديثة, و علاقة الموضوع ده أحياناً بجودة البنزين. درجة الأوكتان و ارتباطها بجودة البنزين البنزين ال 92 ممكن ما يكونش 92!, ممكن يكون أقل […]
جودة البنزين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: رجاء عدم محاولة النسخ، وعمل مشاركة/شير أو استخدم رابط صفحة المقالة كمرجع في موقعك - جميع الحقوق محفوظة لمنصة المقالة