كتير و احنا بنقرأ إعلانات بيع السيارات المستعملة, بنقرأ جملة “إستبن لم يلمس الأرض”, و ممكن تكون العربية دي موديلها عدى عليه أكتر من 10 سنين! فهل دي ميزة فعلاً؟!
و انت بتغير الإطارات لا تنسى “الإستبن”!
ضروري و انت بتغير إطارات السيارة الأربعة انك تراجع برضه على حالة الإستبن Spare tire و بالذات من حيث تاريخ الإنتاج لأنه غالبا بيتنسي أو ناس كتير بتقول انا محافظ عليه، أو لو شاري عربية مستعملة (كلمة لم يلمس الأرض اللي بنقراها في إعلانات بيع السيارات المستعملة!)
و ممكن يكون الكاوتش ده مثلا مر على تاريخ انتاجه ١٠ سنين.. ساعتها مالوش غير مكان واحد بس (صفيحة الزبالة ، أعزكم الله) حتى لو لم يلمس الأرض و لازم تجيب واحد جديد.
صلاحية الإطارات
لأن المطاط خواصه بتتغير مع الزمن و بينشف و يشقق و ممكن يعمل كارثة في حالة إستخدامه. صلاحية الكاوتش من وقت انتاجه ٦ سنوات في الظروف المثلى و ممكن تقللها ل ٥ علشان تكون مطمن أكتر (ده في حالة السير على طرق ممهدة فقط)
أما الطرق المكسرة فكده كده بتستهلك الكاوتش أسرع من مدة صلاحيته.
مبادرة: إنسى حكاية الإستبن لم يلمس الأرض!
خلونا نبدأ و نعمل تغيير حلو.. الأفضل عند عمل اعلان بيع انك تكتب تاريخ انتاج الخمس فرد كاوتش لو حابب علشان اللي شاري يعرف ان الكاوتش جديد نسبيا و مع المعاينة يشوف حالته من حيث الاستهلاك.
أتمنى لكم السلامة على الطريق.
لا تنسى عمل مشاركة/شير لنشر المعلومة، ولايك لصفحتنا على فيسبوك #عن_السيارات.
ورجاء الدعاء لوالدتي ووالدي بالرحمة والمغفرة وأن يجعل العمل في ميزان حسناتهم.
أطيب التحايا،
#أبوجادالله_يكتب
#عن_السيارات
لمتابعة نشر المقالات القادمة لي، قم بالإشتراك في النشرة البريدية الأسبوعية لمنصة المقالة من خلال النموذج بالأسفل و بضغطة واحدة:
الكاتب مسئول عن كتاباته على منصة المقالة.
مساحة إعلانية
مهندس و كاتب و مصور فوتوغرافي من مصر، يعمل في مجال صناعة السيارات منذ عقد من الزمان، حاصل على العديد من الجوائز.
