تيل الفرامل / الفحمات / Braking pads – علامات وجوب التغيير (هام جدًا)

معلومة مهمة قد تغيب عن ناس كتير و هي بخصوص تيل الفرامل أو الفحمات أو Braking pads. و هي علامة بيصدرها التيل علشان ينبهك إنه قرب يخلص و انك نسيت تغيره!

دور تيل الفرامل / الفحمات

لما بدوس على دواسة الفرامل بيتحرك التيل الخارجي و الداخلي و بيضغطوا على الإسطوانة من الناحيتين علشان يوقفوا العربية. مع الإستخدام الجزء الإحتكاكي في التيل بيتآكل و بيكون مهم اني أغير التيل ده لما يخلص (بيكون فاضل فيه حوالي ٤ ملم أو أقل)

تيل الفرامل أو الفحمات
Wagner Brake

طيب أعرف منين انه خلاص وجب تغيير التيل / الفحمات؟

و للإجابة على السؤال ده لازم نعرف إن صناع السيارات بيضيفوا آداة للتيل تعرّف مالك السيارة امتى لازم يغير. و الآداة دي إما ميكانيكية و دي الأكثر شيوعاً، أو إلكترونية و دي بتكون في العربيات الحديثة و خاصة في الفئة الفخمة منها.

إقرأ أيضاً:  أسباب زيادة استهلاك البنزين - تعرف على أهم 10 أسباب

1- النوع الميكانيكي

النوع الأكثر شيوعاً و هو النوع الميكانيكي و بيتم فيه إستخدام ريشة معدنية كده بأبعاد محددة.

تيل الفرامل أو الفحمات
AutoFix YouTube Channel

هتلاحظ التيل الأحمر اللي على اليمين لسه جديد و الجزء الإحتكاكي فيه لسه كبير، مع الإستخدام تخانة الجزء الإحتكاكي ده بتقل لغاية ما طرف الريشة المعدنية دي (اللي عليها السهم) يبدأ يحك في إسطوانة الفرامل (الطنبورة) و يعمل صوت صفير/احتكاك معدني مع كل مرة هتستخدم فيها الفرامل و بكده تعرف إن التيل خلاص وجب تغييره.

أسباب أخرى لصفير التيل / الفحمات

أحياناً بيكون فيه أسباب تانية للصفارة مع استخدام الفرامل، زي مثلاً وجود حبيبات رمل أو وسخ لازقة على سطح التيل و دي بتروح مع فك التيل و صنفرته و تنضيفه.

أو إن خامة التيل نفسها سيئة و فيها نسبة برادة معدنية زيادة و الحل ساعتها بتغيير التيل بآخر جودته أحسن و ده حفاظاً كمان على الطنابير.

إقرأ أيضاً:  علبة البيئة/المحول الحفاز - ما هي و كيف تحافظ عليها؟!

2- النوع الإلكتروني

بالنسبة للنوع التاني اللي هو الإلكتروني بيكون فيه حساس في التيل ، لما التيل خلاص بيجب تغييره ساعتها بيبعت إشارة لكمبيوتر العربية فتظهر لك علامة تنبيهية قدامك.

تيل الفرامل أو الفحمات
GoldenBrakes

تبعيات تجاهل تغيير تيل الفرامل / الفحمات

و في كل الحالات من المهم جداً إنك ما تتجاهلش صوت الصفارة أو العلامة على التابلوه. لأن لو إستخدت تيل خلصان بيكون فيه خطورة على حياتك لانخفاض كفاءة الفرامل و كمان لتلف اسطوانات/طنابير الفرامل. و دي تمنها بيكون ٣ أو ٤ أضعاف تمن التيل.

من المهم إنك تبقى عارف إن متوسط إستهلاك التيل ٢٠ ألف كم حتى ٤٠ ألف كم حسب طريقة إستخدامك للفرامل و حسب مدى جودة التيل.

و دي حاجه مهم إنك تكون متابعها لأنها مرتبطة إرتباط مباشر بسلامتك الشخصية.

في النهاية أتمنى لكم السلامة من كل سوء.

إقرأ أيضاً:  كود سرعة الكاوتش / الإطار و معلومة هامة جدًا عند الشراء

أتمنى لكم السلامة على الطريق.
لا تنسى عمل مشاركة/شير لنشر المعلومة، ولايك لصفحتنا على فيسبوك #عن_السيارات.
ورجاء الدعاء لوالدتي ووالدي بالرحمة والمغفرة وأن يجعل العمل في ميزان حسناتهم.

أطيب التحايا،
#أبوجادالله_يكتب
#عن_السيارات


لمتابعة نشر المقالات القادمة لي، قم بالإشتراك في النشرة البريدية الأسبوعية لمنصة المقالة من خلال النموذج بالأسفل و بضغطة واحدة:



الكاتب مسئول عن كتاباته على منصة المقالة.

مساحة إعلانية


⇐ لا تنس عمل مشاركة (Share)

المقالة التالية

ما هو معدل استهلاك تيل الفرامل / الفحمات / Braking Pads؟!

الجمعة مارس 19 , 2021
تمت قراءته: 3٬633 معلومة سريعة و مهمة بخصوص معدل استهلاك تيل الفرامل أو الفحمات أو Braking Pads. لا يمكن وضع معدل استهلاك ثابت لتغيير تيل الفرامل, و هذا لدخول عوامل كثيرة فيه, أهمها طريقة قيادة الشخص نفسه و طريقة إستخدام الفرملة. فمن الممكن أن تجد شخص يقوم بتغيير التيل بعد […]
استهلاك تيل الفرامل

3 تعليقات على “تيل الفرامل / الفحمات / Braking pads – علامات وجوب التغيير (هام جدًا)

  1. تنبيه: When Should I Replace The Braking Pads? - Auto Advises

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: رجاء عدم محاولة النسخ، وعمل مشاركة/شير أو استخدم رابط صفحة المقالة كمرجع في موقعك - جميع الحقوق محفوظة لمنصة المقالة