حزام الأمان – سبب أهميته و أخطاء شائعة عند إرتداؤه تبعياتها بالغة الخطورة!

حزام الأمان آداة مهمة جدًا (جدًا) للحفاظ على الأرواح. مهمته ببساطة تثبيت جسم الراكب في الكرسي اللي قاعد عليه وقت الحادث. لأن وقت الحادث السيارة بتقف فجأة بعد سرعة عالية، وبالتالي أي جسم مش متثبت كويس جوه السيارة هيكمل بنفس السرعة و يصطدم بالسيارة من الداخل!

حزام الأمان
Safety Belt

ليه هو مهم جدًا؟!

تخيل سيارة ماشية بسرعة 120 كم/ساعة، يعني 33.3 متر/الثانية. يعني السيارة بتقدر تقطع مسافة بنفس طول ملعب كرة قدم في حوالي 3 ثواني فقط!.. متخيل؟!

مجرد ما السيارة بتتعرض لحادث إصطدام و هي على السرعة دي. السرعة بتنزل لحظياً من 120 كم/ساعة (كمثال) إلى 0 كم/ساعة! وبالتالي لو الركاب اللي جوه مش رابطين حزام الأمان، هينطلقوا بأجسادهم جوه السيارة بسرعة 120 كم/ساعة في مسافة صغيرة جدًا تقدر بسنتميترات و يخبطوا في جسم السيارة الداخلي!

سيناريو تاني للحادث -وبيحصل للأسف برضه- إن السيارة ممكن تنقلب -بسبب إنفجار إطار أو غيرها من المسببات- في الحالة دي لو الركاب مش لابسين حزام الأمان و السيارة بتنقلب بيهم هتحصل إصابات جسيمة لهم.

علشان كده إرتداء حزام الأمان شئ حتمي!

إقرأ أيضاً:  كود سرعة الكاوتش / الإطار و معلومة هامة جدًا عند الشراء

تصحيح أخطاء شائعة عند إرتداء حزام الأمان

  1. بالنسبة للسيدات الحوامل، الصحيح إنها تخلي الحزام اسفل البطن زي الصورة اللي بتوضح الشكل، مش على البطن ، وده حفاظا على الجنين وقت الخطر لا قدر الله.
  2. تأكد دائماً و انت بتستخدم حزام الأمان إنه مش مجدول (زي الصورة المرفقة). الحزام المجدول بيتسبب في حدوث إصابات وقت الخطر لا قدر الله.

 

حزام الأمان
WikiHow
إقرأ أيضاً:  عاصفة ترابية / رملية - أهم 10 نصائح تأكد من عملها في الأجواء العاصفة

أتمنى لكم السلامة على الطريق.
لا تنسى عمل مشاركة/شير لنشر المعلومة، ولايك لصفحتنا على فيسبوك #عن_السيارات.
ورجاء الدعاء لوالدتي ووالدي بالرحمة والمغفرة وأن يجعل العمل في ميزان حسناتهم.

أطيب التحايا،
#أبوجادالله_يكتب
#عن_السيارات


لمتابعة نشر المقالات القادمة لي، قم بالإشتراك في النشرة البريدية الأسبوعية لمنصة المقالة من خلال النموذج بالأسفل و بضغطة واحدة:



الكاتب مسئول عن كتاباته على منصة المقالة.

مساحة إعلانية


⇐ لا تنس عمل مشاركة (Share)

المقالة التالية

الطريقة الصحيحة لقطر السيارة المعطلة ذات الفتيس الأتوماتيك و نصائح هامة!

الأحد مارس 21 , 2021
تمت قراءته: 2٬806 المقال ده يهم كل السادة ملاك العربيات اللي فيها الفتيس الأتوماتيك أو الجير الأتوماتيك، علشان تعرف إيه الطريقة الصحيحة اللي تقطر بيها سيارتك في حالة تعطلها لا قدر الله. في فترة الشتاء في مصر العام قبل الماضي. الدنيا مطرت بشكل غزير جدًا، و فيه عربيات غرقت في […]
قطر السيارة ذات الفتيس الأتوماتيك

تعليق واحد على “حزام الأمان – سبب أهميته و أخطاء شائعة عند إرتداؤه تبعياتها بالغة الخطورة!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: رجاء عدم محاولة النسخ، وعمل مشاركة/شير أو استخدم رابط صفحة المقالة كمرجع في موقعك - جميع الحقوق محفوظة لمنصة المقالة