إنفجار السيارة بسبب الحر الشديد – هل هذا ممكن؟!

زي ما تعودنا من بداية نشر المقالات هنا، إننا بنتكلم عن الأساطير والخرافات المنتشرة في عالم السيارات وبنفندها بأسلوب علمي. ومنها إنفجار السيارة بسبب الحر الشديد!

إنفجار السيارة بسبب الحر
EPA

النهاردة هنتكلم عن أساطير مشهورة جدًا، ومتعلقة بانفجار السيارة بسبب الحر الشديد!

أساطير إنفجار السيارة بسبب الحر الشديد: الأسطورة الأولى

مقولة شائعة قرأتها كتير على منصات التواصل الاجتماعي:

ما تملاش تانك البنزين للآخر (تفول) في الأيام الحر الشديد علشان العربية ما تنفجرش.

هل الكلام ده صحيح علميا؟!

قبل ما أجاوب لازم أقول إن علشان أي حريق يحصل لازم 3 عناصر مهمين. لو عنصر واحد غاب منهم، الحريق مش هيحصل.. و هم:

  1. الوقود.
  2. الأكسجين.
  3. الحرارة.
إنفجار السيارة بسبب الحر
Mohamed Galal El-Sayed

في حالتنا هنا .. تانك البنزين فيه وقود (كده عنصر متوفر) .. الأكسجين ( عنصر متوفر) .. طب الحرارة؟

علشان الوقود يوصل لدرجة حرارة يشتعل فيها ذاتيًا، و ده اسمه العلمي Self Ignition لازم درجة الحرارة توصل ل 280 درجة مئوية علشان البنزين يشتعل ذاتيًا (وفي حالة الديزل اللي هو اسمه سولار أو جاز في بعض البلدان لازم درجة الحرارة تتعدى 256 درجة مئوية).

وطبعًا درجة الحرارة الجوية عمرها ما توصل للمستوى ده في أعتى البلاد اﻹستوائية ولا حتى نصف الأرقام دي..

يبقى إذن مفيش حاجة اسمها التانك ينفجر لوحده في الأجواء الحارة لو فولت. (أول تكة طبعا حفاظا على العوامة، الرابط اللي تحت فيه تفاصيل أكتر).

إقرأ أيضاً:  أساطير و خرافات بداخل تانك البنزين!!: تفنيدها و إظهار الحقيقة

مسببات الحرائق

إستكمالًا للمعلومة ممكن يكون اﻹنفجار لسبب تاني .. إنه مثلًا العربية فيها حاجة من مسببات الحرائق و الحريق امتد لغاية تانك البنزين فتنفجر (هنتكلم عليها في المقالة القادمة ان شاء الله).

أساطير إنفجار السيارة بسبب الحر الشديد: الأسطورة التانية

إن البنزين (أو الوقود عمومًا) بيتمدد وبينتج عنه أبخرة والضغط الشديد بداخل التانك في الأيام شديدة الحرارة ده يؤدي برضه لانفجار.

هنا هقولك فعلًا إن الوقود بيتمدد و بينتج عنه أبخرة و ده المفترض بيؤدي لارتفاع الضغط.. بس هل الصانع هيسيب حاجة “خطر” زي كده من غير ما يعمل حسابها؟!

بالطبع لأ.. ومن خلال الرسم التوضيحي المرفق لتانك البنزين و المسارات المختلفة بتاعته هنلاقي إن الموضوع مش على قد فتحة تعبئة وفتحة سحب للمحرك و خلاص بالنسبة للتانك!

خزان الوقود
Auto Fundamentals

لا ده احنا هنلاقي مسارات كتير.. ويهمنا منها في مقالة اليوم (مسار التهوية) وده خاص بإزالة أي ضغط زيادة ينشأ جوه التانك أول بأول، أو معادلة الضغط على العموم، وفي نهاية المسار ده علبة اسمها كانستر البنزين و دي معمولة علشان تلقط ذرات البنزين اللي طالعة مع الهواء اللي طالع وما تخليهاش تختلط بالهواء الجوي (حماية بيئية).

و في النهاية.. الموضوع آمن تمامًا (الأفضل طبعًا إني أركن في الضل). بس افرض إن الضل ده نفسه درجة حرارته تصل ل 50 مثلًا زي بعض الدول الشقيقة في الخليج.. هل ده معناه إن العربية بقت قنبلة موقوتة والأفضل إني أركنها في جراج مكيف؟! بالطبع لأ.. اركنها في الضل بس.

والأهم ساعتها إني أتأكد من خلو العربية من مسببات اﻹشتعال زي نبهت، وإن شاء الله هتكلم عليها بالتفصيل في المقالة القادمة.

 

إقرأ أيضاً:  أسباب زيادة استهلاك البنزين - تعرف على أهم 10 أسباب

أتمنى لكم السلامة على الطريق.
لا تنسى عمل مشاركة/شير لنشر المعلومة، ولايك لصفحتنا على فيسبوك #عن_السيارات.
ورجاء الدعاء لوالدتي ووالدي بالرحمة والمغفرة وأن يجعل العمل في ميزان حسناتهم.

أطيب التحايا،
#أبوجادالله_يكتب
#عن_السيارات


لمتابعة نشر المقالات القادمة لي، قم بالإشتراك في النشرة البريدية الأسبوعية لمنصة المقالة من خلال النموذج بالأسفل و بضغطة واحدة:



الكاتب مسئول عن كتاباته على منصة المقالة.

مساحة إعلانية


⇐ لا تنس عمل مشاركة (Share)

المقالة التالية

طبقة المهمشين وحقوق المواطنه

الخميس أبريل 29 , 2021
تمت قراءته: 2٬517 فئة المهمشين التي أيضًا تعرف بمسمى (الأخدام) [1]الأخدام أو المهمشين ويعرفون أيضاً بإسم اليمنيون الأفارقة أو من لا أصل لهم أو الأَفْرُويَمَنِيون هم مواطنون … Continue reading، تعيش هذه الشريحه بين ظهرانينا منذ مئات السنين.. وينظر لها في المجتمع بنظرة دونية ومحتقرة وتلقى أسوء معاملة من جميع فئات […]
المهمشين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: رجاء عدم محاولة النسخ، وعمل مشاركة/شير أو استخدم رابط صفحة المقالة كمرجع في موقعك - جميع الحقوق محفوظة لمنصة المقالة