زيت الفرامل / الباكم – ماذا يحدث إذا تركت العبوة أو غطاء القربة مفتوح لفترة؟!

لماذا لا ينبغي ترك عبوة زيت الفرامل أو غطاء قربة الزيت في السيارة مفتوح لفترة؟

وده لأن زيت الفرامل شره جدًا للمياه والرطوبة. لو تركت عبوة مفتوحة -على سبيل المثال- فيها زيت فرامل؛ الزيت هيجذب بخار المياه اللي في الجو ويختلط معاه مع الوقت. ساعتها الخليط اللي في العبوة بيكون مركب جديد خواصه مختلفه، وإستجابته للضغوط والحرارة مختلفة. ساعتها لازم تتخلص منه.

لازم العبوة أو قربة الزيت في السيارة تكون على طول مقفولة بإحكام.

زيت الفرامل - سائل الفرامل - زيت الباكم
T W White & Sons Blog
إقرأ أيضاً:  ما هو معدل استهلاك تيل الفرامل / الفحمات / Braking Pads؟!

لماذا يجب التخلص من الزيت إذا تغيرت خواصه؟

وده لأن لما بتختلط جزيئات المياه اللي في الجو بالزيت، خواصه بتختلف. واحدة من أهم الخواص على سبيل المثال هي درجة تحمل الحرارة “للخليط الجديد الناتج”. و درجة تحمل درجة الحرارة (اللي هي نقطة الغليان) في حالتنا هتقل بسبب دخول جزئيات المياه على زيت الفرامل؛ و بالتبعية مع الحرارة العالية الناتجة عن إحتكاك أجزاء الفرامل الميكانيكية وقت إستخدام الفرامل؛ درجة حرارة الخليط هتعلى لدرجة إحتمالية الغليان.

خطورة غليان زيت الفرامل هنا، هو تكون فقاقيع هواء، و كلنا عارفين وجود فقاقيع هواء في دايرة الفرامل معناه إيه: ضعف فرامل السيارة، و دي نقطة في منتهى الخطورة و هامة جدًا، لأنها مرتبطة بسلامة و حياة ركاب السيارة!

متى يجب عليّ تغييره؟

رغم إن دائرة الفرامل بتكون مغلقة في العربية، إلا إن صناع السيارات بيطلبوا تغيير الزيت بالكامل. صرف الزيت القديم و ملئ جديد كل سنتين بغض النظر عن الكيلومترات حتى لو كانت قليلة. المعظم بيربطها بالكيلومتر بجانب المدة الزمنية، و في الغالب بتكون كل (40-60 الف كيلو متر حسب الصانع).

المعلومة دي بتقدر توصلها من كتيب دليل اﻹستخدام الخاص بالعربية.

إكشف بنفسك على زيت الفرامل بطريقة سهلة للغاية

بما إن طبيعة بلادنا بتكون فيها نسب الرطوبة عالية نسبياً (و خاصة المدن الساحلية بتكون النسبة فيها عالية قوي) علشان كده ممكن خلال السنتين تقيس نسبة الرطوبة في زيت الفرامل بنفسك بصورة دورية.

الموضوع بقى أسهل من قبل كده (عن طريق إنك تستخدم جهاز ديجيتال بتحط طرفه في قربة الزيت و يديلك القراءة) و الجهاز ده مش منتشر لسه عند معظم الميكانيكية (أرجو انهم يستخدموه كلهم ، و هو مش غالي الثمن)، و طبعاً بتشوف لون الزيت و حالته و بناءًا عليه بتقرر إذا كان الزيت هيكمل أو لأ.

ده مثال على جهاز إختبار سائل الفرامل للي محتاج يشتريه (إضغط هنا).

قلم اختبار زيت الفرامل
Jumia
إقرأ أيضاً:  تيل الفرامل / الفحمات / Braking pads - علامات وجوب التغيير (هام جدًا)

أتمنى لكم السلامة على الطريق.
لا تنسى عمل مشاركة/شير لنشر المعلومة، ولايك لصفحتنا على فيسبوك #عن_السيارات.
ورجاء الدعاء لوالدتي ووالدي بالرحمة والمغفرة وأن يجعل العمل في ميزان حسناتهم.

أطيب التحايا،
#أبوجادالله_يكتب
#عن_السيارات


لمتابعة نشر المقالات القادمة لي، قم بالإشتراك في النشرة البريدية الأسبوعية لمنصة المقالة من خلال النموذج بالأسفل و بضغطة واحدة:



الكاتب مسئول عن كتاباته على منصة المقالة.

مساحة إعلانية


⇐ لا تنس عمل مشاركة (Share)

المقالة التالية

بخار الماء على زجاج السيارة الخلفي، وأسهل طريقة لإزالته في دقيقة!

الأربعاء مارس 24 , 2021
تمت قراءته: 5٬171 في الأيام الباردة بيتكثف بخار الماء على زجاج السيارة، وبيكون التكثيف على السطح الداخلي، وفي بعض الليالي الصيفية شديدة الرطوبة، وخاصة في المدن الساحلية؛ بيحصل تكثف لبخار الماء اللي في الجو على السطح الخارجي للسيارة. في المقالة دي يهمنا طريقة إزالة تكثف بخار الماء على زجاج السيارة […]
تكثف بخار الماء على زجاج السيارة الخلفي

تعليق واحد على “زيت الفرامل / الباكم – ماذا يحدث إذا تركت العبوة أو غطاء القربة مفتوح لفترة؟!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: رجاء عدم محاولة النسخ، وعمل مشاركة/شير أو استخدم رابط صفحة المقالة كمرجع في موقعك - جميع الحقوق محفوظة لمنصة المقالة