بخار الماء على زجاج السيارة الخلفي، وأسهل طريقة لإزالته في دقيقة!

في الأيام الباردة بيتكثف بخار الماء على زجاج السيارة، وبيكون التكثيف على السطح الداخلي، وفي بعض الليالي الصيفية شديدة الرطوبة، وخاصة في المدن الساحلية؛ بيحصل تكثف لبخار الماء اللي في الجو على السطح الخارجي للسيارة.

في المقالة دي يهمنا طريقة إزالة تكثف بخار الماء على زجاج السيارة الخلفي، سواء على السطح الداخلي أو على السطح الخارجي، بطريقة سهلة في خلال دقيقة وبضغطة زر فقط.

تكثف بخار الماء على زجاج السيارة الخلفي
Tint Man Window Tinting Longwood

ما هو سبب تكثف بخار الماء على زجاج السيارة عموماً؟

تكثف بخار الماء بيحصل عموماً لما الجو يكون فيه رطوبة مرتفعة نسبياً (الرطوبة هي نسبة بخار الماء في الهواء أو بمعنى تاني جزيئات الماء الدقيقة العالقة في الجو). و بمجرد ما يكون فيه سطح بارد -في حالتنا هنا زجاج السيارة- بيحصل تكثف لبخار الماء و يتحول من بخار لجزيئات ماء صريحة.

فعلى سبيل المثال، في الشتاء بيكون الجو داخل السيارة دافئ نسبياً بسبب تشغيل السخان أو بسبب حرارة أجساد الركاب، و الزجاج نفسه بارد بسبب برودة الجو. و بالتالي الأبخرة الناتجة من تنفس أو أجساد ركاب السيارة بتتكثف على السطح الداخلي لزجاج السيارة.

على النقيض في الليالي الصيفية شديدة الرطوبة، بيكون الجو حار و الركاب مشغلين مكيف السيارة و ده بيساعد على تبريد الزجاج و خاصة مع حركة السيارة، و بالتالي بخار الماء اللي في الجو بيتكثف على السطح الخارجي لزجاج السيارة.

إقرأ أيضاً:  زيت الفرامل / الباكم - ماذا يحدث إذا تركت العبوة أو غطاء القربة مفتوح لفترة؟!

لماذا نهتم بتكثف بخار الماء على زجاج السيارة؟

علشان ده بيكون عائق للرؤية أثناء القيادة، فالبنسبة مثلاً للزجاج الخلفي؛ صناع السيارات بيدمجوا مع الزجاج الخلفي سخان كهربائي بيسخن الزجاج، وبالتالي بيمنع تكثف أي بخار ماء. (و ده لأن فيزيائيا علشان بخار المياه اللي في الجو يتكثف و يرجع للصورة السائلة لازم سطح بارد “اللي هو الزجاج في حالتنا” زي ما شرحت في الفقرة اللي فاتت).

طيب شكله إيه السخان ده؟ وبشغله إزاي؟

سخان الزجاج الخلفي
AutoGlass

السخان ده بيكون عبارة عن أسلاك عرضية بعرض الزجاج الخلفي (و هو من المواصفات القياسية لازم يكون في كل العربيات) و بيمر فيه تيار كهربي بيؤدي للتسخين (زي الصورة المرفقة).

بتشغله إزاي… بيكون فيه زرار في التابلوه قدامك عليه الشكل (اللي في الصورة المرفقة). بتدوس عليه و لمبة بتنور فيه (بيان إنه شغال).

إقرأ أيضاً:  عاصفة ترابية / رملية - أهم 10 نصائح تأكد من عملها في الأجواء العاصفة

طيب مش لو نسيته شغال ممكن الزجاج يسخن قوي و يفرقع؟!!

واﻹجابة: لا مش هيحصل، لأن الأوبشن ده شغال بتايمر بيقعد من 5-15 دقيقة حسب نوع العربية و بعدها بيفصل أتوماتيك.
طيب ليه ما يعملوش زيه في بقية الزجاج بتاع العربية.. ما كله بيشبر؟ و إشمعنى الزجاج الخلفي؟

و ده لأن الزجاج الخلفي بعيد عن إيد السائق أثناء القيادة و الآداة دي مهمة جدا ليه علشان يشوف كويس.. صحيح فيه موديلات فيها مساحة خلفية بس دي بتشيل من الخارج فقط.. و بالنسبة للزجاج الأمامي فيه مساحات من بره، و من جوه قريب من إيد السائق أو إنه يشغل الهواية الداخلية الخاصة بالزجاج الأمامي. و زجاج الأبواب مش حيوي زي الزجاج الأمامي و الخلفي ما عدا الجزء الخاص بالرؤية من المرآة الجانبية.

طب أنا شغلته و الزجاج فرقع!

هنا تحطم الزجاج بيكون بسبب علّة أو عطل في الدائرة الكهربائية الخاصة بسخان الزجاج الخلفي، ومش بسبب الأوبشن نفسه. فلازم المراجعة على دائرة السخان الكهربائية عند المختص و التأكد من سلامة التوصيلات، و عمل كل المكونات و خاصة التايمر.

إقرأ أيضاً:  مكيف السيارة - 8 نصائح للحصول على أعلى آداء له في الصيف

أتمنى لكم السلامة على الطريق.
لا تنسى عمل مشاركة/شير لنشر المعلومة، ولايك لصفحتنا على فيسبوك #عن_السيارات.
ورجاء الدعاء لوالدتي ووالدي بالرحمة والمغفرة وأن يجعل العمل في ميزان حسناتهم.

أطيب التحايا،
#أبوجادالله_يكتب
#عن_السيارات


لمتابعة نشر المقالات القادمة لي، قم بالإشتراك في النشرة البريدية الأسبوعية لمنصة المقالة من خلال النموذج بالأسفل و بضغطة واحدة:



الكاتب مسئول عن كتاباته على منصة المقالة.

مساحة إعلانية


⇐ لا تنس عمل مشاركة (Share)

المقالة التالية

فرامل اليد / الهاند بريك - إختبرها بنفسك بالطريقة الصحيحة!

الخميس مارس 25 , 2021
تمت قراءته: 4٬823 طبعاً كلنا عارفين أهمية وجود فرامل الطوارئ أو فرامل اليد أو الهاند بريك Hand Brake في عربياتنا، وإن الفرامل دي غير انها بتأمن العربية لما تيجي تركنها و تثبتها في مكانها.. الغرض الأهم منها هو إستخدامها في حالات -لا قدر الله- لو حصل مشاكل في الفرامل الأساسية. […]
فرامل اليد - الهاند بريك

2 تعليقات على “بخار الماء على زجاج السيارة الخلفي، وأسهل طريقة لإزالته في دقيقة!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: رجاء عدم محاولة النسخ، وعمل مشاركة/شير أو استخدم رابط صفحة المقالة كمرجع في موقعك - جميع الحقوق محفوظة لمنصة المقالة